Vawiin ni 7.11.2025 khan Central YMA Committee room-ah Central YMA hruaitu thar leh Mizoram Journalist Association te an inkawm.
Central YMA chuan naktuk Inrinni hian National Highway kawngchhia enfiah turin mi 30 thawk chhuak dawn tih an sawi a. Truck neitu pawlte pawhin court lamah an harsatna an thehluh hnuah pawh awmzia a neih tam loh a. Kan Minister rual-te pawhin an kal chilh chung pawhin awmzia a nei thei lo a. Central YMA chuan hmalak a tul ni a an hriat thu an sawi a. Central YMA President R. Lalngheta chuan, kawng siam enkawltu ti tha tawk lo nia hriat te chu, lo inthiarfihlim tur a kan nawr te pawh a tul mai thei a ti.
MJA President C. Lalrambuatsaiha pawh in, ruihhlo hluar ta lutuk leh thalai nunna nasa taka a suat mek chuan rilru a tih nat thin thu a sawi a. Khawtlang siamthat leh ram rorelna khalh diktuah pawh YMA chu pawimawh a tih thu a sawi bawk.
