Larsap General VK Singh chuan mipuite State Day chibai a buk.
Larsap chuan, kum 1987 February ni 20 khan Mizoram chu India ram state 23-na ni tura puan a ni a, hemi hnu hian Mizoram chuan muanna, hmasawnna leh hlawhtlinna kawng hrangin a zawh chho a. He ni chhinchhiah tlak tak hi mizo mipuite chhelna, inpumkhatna leh suangtuahna ataka nemnghehna chiang tak a ni, a ti.
Larsap chuan, he ni hi Dawhkan kila inbiakna, mipui thlan rorelna leh inremna ataka tihhlawhtlinna lantir a ni a; hei hi chiang takin June ni 30, 1986-a Sorkar laipui leh Mizo National Front-te inkara inremna thuthlung ziah khan a entir a, he inremna hi India ram chanchina inremna thuthlung ziah tawha hlawhtling leh tlo berte zinga mi a ni, a ti bawk.
Larsap chuan State nih hnuin Mizoram chuan kawng tinrengah hmasawnna hmel thar chhinchhiah tlak tak tak a hmu a. Ram pum huapa hriat a hlawhna em em hnam ziarang hausa tak, nunphung nghet tak leh khawtlang inlungrualna hloh chuang lovin zirna, hriselna, hmasawnna ruhrel din leh ngelnghet siam kawngah pawh nasa takin hma a sawn tih sawiin, he ni danglam bikah hian Mizoram leh India ram chak leh hmuingil din turin inhlan thar leh theuh ni se, a ti a. Tanrualna leh inremna nen kum 2047-a India ram intodelh leh mahni kutkea ding thei 'Viksit Bharat' siam turin mahni phak tawkah tha thawh theuh ni se, a ti bawk.
