Aizawl, the 2nd October, 2025 : India hnampa Mahatma Gandhi pianchamphaphak vawi 156-na, Gandhi Jayanti pualin tukin dar 7:30 khan Larsap Dr. Vijay Kumar Singh leh Mizoram Sorkara mi pawimawh dangte chuan PUC Campus, College Venga Mahatma Gandhi limah pangpar dahin zahna an lantir.
Gandhi Jayanti puala zahna lantir zingah hian Acting Chief Minister Vanlalhlana, Mizoram Legislative Assembly Speaker Lalbiakzama, Environment, Forest & Climate Change Minister Lalthansanga leh Health & Family Welfare Minister Lalrinpuii te an tel a. Anni bakah hian Chief Secretary Khilli Ram Meena, DGP Sharad Agarwal leh Sorkar hotulu dangte pawhin zahna an lantir bawk.
Hun hman zawh hian Larsap leh official-te chuan Gandhiji-a ngaihpawimawh faina leh vantlang rawngbawlna lantir nan Swachhata hi Seva pualin tual an phiat fai a ni.
