Thingtam avanga Lawngtlai District huamchhungah Sazu a puang nasa hle a, Agriculture Department, Lawngtlai te chuan theihtawp chhuahin Sazu hrai runpui (Mass Poisoning) an neih bakah, Sazu tur te semin an buaipui a. Chuvangin, Sazu hrai hi mihring tan a hlauhawm avangin mipuite kan lo him zawk nan leh kan lo hrisel zawk nan, Lawngtlai Bawrhsap Donny Lalruatsanga chuan, Bharatiya Nagarik Suraksha Sanhita, 2023 (BNSS), Section 163- in thuneihna a pek angin thupek a chhuah.
Thupek a chhuah-ah chuan, Mipuite kan himtlan zawkna turin he thuchhuah ni a tangin Lawngtlai khawpui chhungah Sazu/Chepa leh Sava lam chi reng reng, a rep emaw a sa emaw, a thi leh a dam pawh ni se zawrh khawp a ni a. District dang atang a Sazu/Chepa leh Sava rep emaw a sa emaw, Lawngtlai District chhungah thawn luh leh zawrh khap tlat a ni bawk.
He thupek zawm lo te chu Section 223, Bharatiya Nyaya Sanhita, 2023 (BNS) hmanga hrem an ni dawn a. He thupek hian Lawngtlai District pum a huam anga, thu leh awm hma chu tih chhuah a nih atanga thla hnih(2)chhung a huam dawn a ni.
