Lengpui Airport chei ṭhat hna 99.20% zo tawh. Larsap
Aizawl February 17, 2026 : Mizoram Legislative Assembly pakuana, thutkhawm vawirukna tan ni-ah Mizoram Larsap General V.K Singh chuan Mizoram Assembly session chu zahawm tak leh hawihhawm taka kalpui thin a nih thu leh MLA te’n entawn tlak taka an kalpui chhunzawm zel a beisei tih a sawi.
Larsap chuan Mizoram sawrkar flagship programme- Bana Kaih Hand Holding Scheme hnuaiah mipui te’n hamthatna tam tak an dawn tawh thu sawiin thawh hnihna kalpui mek a nih thu a sawi a, sawrkarin a thlanchhuah, a thawhpuite- progress partner-te tan loan pekchhuah a nih tawh thu leh Chief Minister’s Special Package Grant chu mi tam zawkin an chhawr tangkai theihna turin Rs 50,000/- a tih hniam a nih thu a sawi.
Ruihhlo do kawnga sawrkar hmalakna pawh sawiin Larsap chuan sawrkar kum kal mekah ruihhlo cheng vbc 1,046 aia tam man a nih tawh thu leh hemi kaihhnawihah hian Exicise & Narcotics Department chuan mi 652 an man tawh thu a sawi a. Hmasawnna ruhrel din kawngah pawh sawrkar chuan theihtawp a chhuah thu leh Lengpui Airport chei ṭhat hna pawh 99.20% zawh tawh a nih thu a sawi.
