Lunglei Police & AR in Heroin No.4 man.
Vawiin ni 22.2.2026 (Pathianni) khan Lunglei Police leh Assam Riffles tangkawpin tukin khan champhai Sumo service atangin Heroin an man a. Lunglei mi hmeichhe pahnih leh champhai lam mi 2 an man.
Lunglei Police atanga thu kan lak danin, Lunglei Police DSB leh AR tangkawp hian tukin Dar 4 vel khan Champhai sumo hi an dap a. Heroin nia hriat gram 94.42, cheng 18,88,400 man hu an man.
Police te hian Sumo a chuang, Lunglei mi hmeichhe pahnih; Lalthanpuii kum 38, Pu Hniarvunga fanu, Farm veng leh Ruthi Sangziki, Kum 42, Pu Lalmanga fanu. Ramthar veng, Lunglei bakah Laltanpuii Kum 24, Pu Lalramhluna Fanu Champhai Zotlang leh Sumo khalhtu, Lalhmangaihzuala Kum 34, Pu J Lalhnaia fapa, Champhai Dinthar veng te an man. Police te sawi danin, Heroin hi Sahbawn bawm 8 chhunga dah an man a ni.
Police te hnem atanga thu a dawn danin, Heng an mi mante hi vawiinah Magistrate hnenah an hruai dawn a. Darkar 72 chhung kawl an dil dawn tih an sawi.
