Lungsen PHC-ah damlo admit theih a ni rihlo.
Lungsen PHC Medical Officer Dr. Lalremruati chuan thuchhuah siamin, Tun hnai khan IPA fund atanga Group 'D' staff an rawih mi 6 te chu central atanga fund a tawp avangin an chawlh a ngai a. Hemi avang hian Lungsen PHC chuan harsatna a tawk ta a ni.
Lungsen PHC ah hian Damlo admit a theih dawn rih lova, staff in daih lohna in ziaawm lam a pan hunah dan pangngaiin a kal leh tur thu Medical Officer chuan a sawi.
Hetihlai hian Lungsen PHC a thawk tur group 'D' staff 1 chu hmun dang atanga attach nghal a ni thung. Tun dinhmunah Lungsen PHC ah hian thawktu 12 awm mekin Doctor 1, Nurse 4 leh Group 'D' 1 bakah, Health Supervisor-1, BAM-1, Xray Technician-1, leh Field Worker 3 an ni.
Lungsen PHC ah hian Lab. Technician post pawh tun dinhmunah a ruak mek a, natna zawn chhuah kawngah harsatna an nei chho mek bawk.
