MDC 19 neiin Chakma ADC-ah BJP leh ZPM in sorkana siam dawn
Vawiin June 23, 2026 khan BJP leh ZPM chuan Durjya Dhan Chakma, Ex-CEM leh CADC BJP President ni bawk kaihhruaina hnuaiah Chakma Democratic Alliance Legislature Party an din a. Lungrual takin heng hruaitu turte hi an thlang fel nghal:
Chakma Democratic Alliance Legislature Party
Leader: Nirupam Chakma (BJP)
Dy. Leader: Kali Kumar Tongchangya (ZPM)
Treasurer: Molin Kumar Chakma (BJP)
Secretary: Supreme Raj Chakma (ZPM)
Delson Notlia, MDC leh BJP Mizoram State General Secretary leh Vanlalsiama Pachuau, ZPM General Secretary CADC enkawltu te chu an party hotu ten buaipui turin an ruat a. Thil kal dan zawng zawng an hriatpui vek a. Legislature Party thar chuan an Leader, Ex-Minister leh tunah 6-Kamalanagar bial MDC ni mek Nirupam Chakma chu Chakma Autonomous District Council (CADC) ah Executive Committee siam tura Governor hnena sorkar din dil thei turin thuneihna an pe a. A tul anga thlawpna lehkha pawh Mizoram Governor hnenah District Council & Minority Affairs Department, Mizoram Sorkar kaltlangin an thehlut nghal a ni.
CADC tun dinhmunah hian BJP in MDC 10 an nei a, ZPM in MDC 9 an nei. Chakma Democratic Alliance hian MDC 20 awm zingah member 19 an nei tling ta a ni. Opposition MDC awm chhun chu MNF MLA ni bawk Rasik Mohan Chakma a ni.
CADC ah BJP+ZPM ṭang dunin seat 19/20 an nei a, sorkar siam turin majority chiang tak an nei ta. MNF MDC 1 chauh opposition ah a awm a ni.
