MHIP HQ hruaitu ten Zobawk nu nau chunga a thih chungchangah a tul anga hmala turin sorkar an ngen..
Vawiin ni17.3.2026 khan MHIP Gen. Hqrs chuan thuchhuah siamin, ni 12.03.2026 a, Lunglei Zobawk North a cheng, Pi F.Lallawmkimi (Kum 31) W/o Pu PC.Lalremruata, nau chungah khawlaia a boral chu pawi an tih thu leh an lainat ngawih ngawih thu an sawi.
MHIP thuchhuah chuan, Damdawiin lamin, hmeichhia tanpui ngai tak mai, an lo dawngsawng thei lo chu hriatthiam harsa an tih thu an sawi a. Hmeichhia ten tanpui leh ngaihven kan ngaih lai ber, nau kan vei leh neih hun lai taka hetiang thil a thleng hi a pawi tak zet a ni, an ri a. A kalsan tak nausen leh a chhungte Lalpan hualhimin thlamuan rawh se an ti bawk.
MHIP thuchhuah chuan, Tun chinah chuan, hetiang hun harsa leh rapthlak tak mai hỉ tu chungah mah thleng tawh lo se. Sorkar lam hotuten, a tul anga hma la turin kan ngen tak meuh a ni, an ti bawk.
