MIFCO-in Sialhawk leh a chhehvel Lakhuih leisak dawn.
MIFCO Chairman Lalthazuala Rawite chuan nimin khan Sialhawk khuaa Lakhuihthei chingtute kawmin an harsatna tawh leh hmalakpui dan turte a sawipui a, Lakhuihthei chinna hmun hrang hrangte a tlawh nghal bawk.
MIFCO Chairman chuan, Sialhawk khua leh a chheh vela Lakhuihthei chingtuten harsatna an tawh thin, a hralhna kawngah sorkarin kumin hian nasa zawkin kan buaipui dawn a, Chief Minister Lalduhoma pawhin min tuipui a, Lakhuihthei an thar te Mizoram Food & Allied Industries Corporation Ltd.(MIFCO) chuan leisak vek tumin ruahmanna kan siam a. Chutihlaiin MIFCO hnuaia thawktu kan tlem em avang leh harsatna dang avangin kan theih anga tam la turin kan inbuatsaih ta zawk a ni, a ti.
Lakhuihthei hi Kg.1 cheng 18 atanga 20 vela lei turin an in ruahman tih sawiin, MIFCO Chairman chuan, Sialhawk leh a chhehvela Lakhuihthei chingtute harsatna sut kian kan tum a ni, a t bawk.
