Vawiin khan ZPM Thalai chuan an President Jeje Lalpekhlua MLA hovin Aizawl Press Club-ah thuthar lakhawmtute ankawm a,
Mizo mipuite thlamuantu MUHCS ZPM Sorkar- in a hmang ta hi lawmawm kan tiin, theihtawp chhuaha hmala tu kan Health Minister leh a thawhpui ten theihtawp chhuah a, Mizo mipui harsa leh rethei zawkte lam hawi a hmalak nachang an hria hi ZPM Thalai chuan
lawmawm kan ti a ni, an ti.
ZPM Thalai President chuan, Mizoram-ah ZPM a sorkar tirh khan Health Care bill tang, mipui damlote pawisa sorkar hmasa-in a lo bat sak, Vaibelchhe 71 kha a rul nghal vek a nih kha, sokarna kan chan tirha Finance in sum an neih loh zia kha kan hre vek a, sum awm hmasa ang ang Damlo Bill leh Pension bill atana hman hmasak a ni kha mipui sorkar dik tak tih tur a ni reng bawk
a ni, a ti. Mizoram Universal Health Care Scheme MUHCS hnuaiah hian Mipui nawlpui tan kum 1-ah Chhungkaw 1 tan Cheng nuaihnga thleng a bill theih bakah, Sorkar- in Cashless Policy kalpui thei turin Govt. Hospital, Kohhran Hospital leh Pvt Hospital – ram chhung leh ram pawn thlengin tie-up pui a nei a, a lawmawmin mipuite tan a thlamuan thlak hle a ni, a ti bawk.
Ruang phurh chungchang sawiin, ZPM Thalai President chuan, Mizoram sorkar hian ruangphurh a kalpui bawk a, sorkar hmasa hunlai kha chuan ruang phurh hi MLA Candidate leh party-te in elna pakhat, politics khelhna chikhat kha a tling ve a, hei hi ZPM Party a lo pian tirh phat atang khan tha tih lohna a lian hle a, hei vang hian Policy-ah ruang phurh hi dahin, kan sorkar veleh Social Welfare Department chuan hma a la nghal ta a. Tun dinhmunah, Mizoram chhunga chhiattawkte ruang 1680 lai chu ZPM sorkar chuan kan phurh sak tawh a, ruangphurh na atan hian cheng 175,85,602 (Nuaih Za Sawmsarih Panga, Singriat Sangnga, Zaruk leh Cheng hnih) a hmang tawh bawk a, tunah hian ruang phurhna bill 80 process mek a ni a, he scheme hi kan sorkar chhung chuan kalpui chhunzawm zel kan tum bawk a ni, a ti bawk.
