Mizo hnam humhalh kawnga ZPM Sorkar hmalakna hi lawmawm kan ti. ZPM Thalai
Vawiin khan ZPM thalai chuan thuchhuah siamin, 9th Mizoram Legislative Assembly ah 24th February 2026 khan kan Chief Minister leh Law & Judicial Department Minister ni bawk Pu Lalduhoma Bill putluh – The Mizo Marriage and Inheritance of Property (Ammendment) Bill 2026 chu Assembly House ah lungrual taka passsed a ni hi ZPM Thalai General Headquarters chuan lawmawm kan ti hle a ni, an ti.
ZPM Thalai chuan, kan ram leh hnam humhalhna kawnga tlawmngai pawl leh mi thahnemngaite hmalak tawhna thuam chak leh zual tura Mizoram State Sawrkar a rawn pen chhuak ta hi thil chhinchhiah tlak tak niin, The Mizo Marriage and Inheritance of Property (Ammendment) Bill 2026 hi a taka hman a nih theih nana Official Gazette chhuah hun tur hi ZPM Thalai chuan kan nghakhlel a ni, an ti.
Article 371G of the Indian Constitution-in Special Provisions min pek zinga “Mizo Customary Law” thuamchak zual tura kan Chief Minister Pu Lalduhoma Bill hi kan NGO, Political Party leh mipuite’n theihtawp a thlawp turin ZPM Thalai chuan kan ngen a, Kan Ram, kan Hnam leh kan Sahkhua a him zel theihna turin Hnam hmangaihna thinlung pu chunga NGO leh Political Party tinte pawhin hnamdang pasal neite Platform pe tam lo tur leh Ram rorelna a Mizo mipuite aiawh tura thehchhuak lo turin kan ngen a ni, an ti.
ZPM Thalai chuan, tun hnaiah hnamdang pasal nei thenkhatte'n The Mizo Marriage and Inheritance of Property (Ammendment) Bill 2026’ hi nasa takin an dodalna nasa hle a, kan ram leh hnam humhimna kawngah Mizo mipuite’n heng dodalna thute aiin kan Ram leh Hnam humhalhna Bill hi thlawp tlat zawk turin ZPM Thalai chuan Mizo mipuite a ngen a ni, an ti bawk
