BJP Mizoram chuan vawiin 9th February 2026, khan BJP Mizoram State Office Upper Republic Mipui Run-ah karthar inhlanna leh Political Session an nei a. State General Secretary leh MDC Delson Notlia in thu a sawi.
Delson Notlia chuan, "Central Sorkar hian ṭhalaite a ngai pawimawh hle a, ṭhalaite'n eizawnna ṭha tak an neih theih nan MSME buatsaih a ni a. A hlawhtling hle a, MSME kaltlanga India GDP-a contribution hi 30.1% lai a ni. Self-Reliant India Fund atan Rs. 2000 Crore dah niin SME atan Rs. 1000 crore dah a ni bawk. BJP chuan a thua sawi mai lovin a takin India ram ṭhalaite kan dah pawimawh zia a lang ṭhin a ni. Ṭhalai lehkhathiam sawrkar hna thawk lo tan eizawnna siamsak an ni a, mi core 28 aia tam te'n eizawnna an hmu tawh a ni, Mizoram mipuite hian a ṭhat zia hi hrechiang ni ila chuan BJP hi kan zawm sup sup anga, Pu Modi-a sorkar hi kan in fak siakin a rinawm a ni," a ti.
Pu Delson Notlia chuan, Delhi a National President thlanna a an cham chhungin, Mizoram thalai tana hamthatna tur Project pawimawh tak tak Union Minister te hnen-a a thlen chu a hlawhtlinna kan hmu a nih chuan, Mizoram thalai te tan chhenfakawm tak a ni dawn a, chuvangin Mizoram thalai tan-a BJP hmalakna te hi, Mizoram mipui te hian an hre zel dawn a ni a, ti bawk.
