Central tha chakna nasa zawka kan chhawr theih nan Mizoram-ah BJP Sorkar kan mamawh. BJP State Vice President.
BJP Mizoram chuan vawiin 16th March, 2026 (Monday) khan karthar Inhlanna hun, BJP Mizoram State Office, Mipui Rûn, Upper Republic-ah neiin,, BJP Mizoram State Vice President Vanupa Zathang chuan thu sawiin, "India ram hruaitute chu ram dang nena inlaichinna kawnga an hmalakna ah an fakawm êm êm a, tuna Iran ram beihna ah pawh India ram hruaitute hmalakna avangin Iran chuan India oil tanker-te chu Strait of Hormuz paltlang a phalsak a, mipui nitin mamawh Oil leh Gas ah te harsatna awm hmaa an hmalakna hi a fakawm hle a ni, Ram dangte erawh tunah hian an buai nasa hle a, chutih laia keini thlamuang taka awm theia min dah theitu Central Sorkar Pu Modi kaihhruai hi innghahna tlak a nih zia a lang chiang hle a ni, chuvangin Central tha chakna hi tun aia nasa zawka kan chhawr theih nan Mizoram ah pawh BJP Sorkar kan mamawh hle a ni," a ti a.
Pu Vanupa chuan, "Pu Narendra Modi hian India ram ah PM a nih aṭanga hma a lakna ah khan huaisen taka hma a lak a ngai tih a chiang a, India ram hmelhmang thlak danglam thei dawrh tur khawp kalphung ṭha zawk a siam a ni tih a lang chiang hle a ni," a ti a.
"PM Modi-a hian Gujarat CM a nih lai pawha Sorkar kalphung a thil tih dan awlsam leh ṭha zawk a hriat te chu PM a nih hnu ah a taka kalpuina chuan thil a ti awlsam a, File rei tak tak nghaka kal kual ngai tam tak te pumpelh a nih theih nan hma a la a, chu chuan nasa takin hna thawh a ti awlsam a ti chak bawk a ni. Mizoram ah pawh thla khat aia rei File nghah ngai leh kalpui ngai a awm hian kawng tam takah kan hmasawnna tur a ti ṭhuanawp thei a ni. Chuvangin Mizoram ah pawh hian Sorkar tan leh Mipui tana awlsamna hi kan ngaihtuah a hun ta hle a ni," a ti bawk.
