Mizoram hian Pu Modi-a kan hlauh chhan hi eng nge ni? Dr. K. Beichhua
BJP Mizoram chuan vawiin 13th April, 2026 (Monday) Karthar Inhlanna leh Political Session-ah MLA leh State President nibawk Dr. K Beichhua chuan thu sawiin, "Kan budget aiin kan leiba a tam zawk a, chuti chung chuan sum min pe theitu kan hlau tlat thung a. Mi tam takin BJP chu Hindu Party an ni an ti fo mai a, a nih leh Congress Party hi Kristian Party an ni em? A hruaitute khu Hindu tho an ni. Sonia Gandhi leh a fate zawng zawngin an chal an hnawihsen vek a. Sonia-i phei chu Kristian a nihna aṭanga Hindu-a inlet a ni zawk a. Congress chhungkaw dinhmun thlirin Congress zawk hi kan hlauh tur zawk a nih hmel riau a ni," a ti bawk.
Dr. Beichhua chuan BJP-in Kristiante min duhsak zia sawiin, "BJP kaihhruai Sorkarna hnuaiah Union Minister ah Kristian pakhat tal an dah ziah a, MP-a thlan chhuah an awm loh pawhin, Rajya Sabha aṭangin an ruat mai ṭhin a, Lok Sabha MP election-a ding pawh ni lo Kerala mi Kristian pa George Kurian chu Rajya Sabha seat pein Union Minister nihna pek a ni. Kristiante tan Modi hi a hlu takzet a, kan ni pawimawh min hmanpui leh duhsakna min hlan a ṭhulh ngai lo a. Chuvangin, Mizoram hian Pu Modi-a kan hlauh chhan hi eng nge ni? Kan hlauh a kan do nat poh leh kan na ting mai dawn a ni," a ti bawk.
