MNF IN MINISTER ATANGA BANG TURIN DR.VANLALTHLANA AN PHUT.
Vawiin chawhma khan MNF Party chu Vanapa Hall kawt-ah pungkhawmin, Cabinet Minister Dr. Vanlalthlana chu Minister atanga bang turin an phut.
MNF Party chuan, Cabinet Minister Dr. Vanlalthlana chu a awmna party ZPM MLA Chairman-na hnuaia Assembly Petitions Commitee-in Minister Dr. Vanlaithlana'n Restricted Tender hmanga contractor a thlan dan chu Eirukna/corruption lian tak leh dik lo tak a ni tih a finfiah a, cancel an phut angin sorkarin an cancel sak a. Ama awmna party Sorkar meuh pawhin a dan bawhchhiat nasa lutuk (Eirukna lianpui) tarlana a awm tak avangin a thiltih an cancel sak hi Minister ni tlak lo a ni tih tarlanna a ni a, a MLA puite pawhin thup ngaihna awm miah loa a thilsual tih cancel leh ngei an phut hi cheng Rs.22,48,00,000/-(Rs.22.48 crores) chuang dạih a ni a. Hetiang hiemhietna lian tak titu Dr. Vanlalthlana hi Minister atanga bang nghal turin kan phut a ni, an ti.
MNF chuan, Mizoram State University Bill 2025 Assembly a sawiho laiin NEP 2020 angin Lungleiah Mizoram State University a dah theih loh thu uar takin a sawi a. A thusawi angin bill pawh passed a ni ta a ni, an ti a. Mahse kum 1 em pawh a llam hmain Cabinet rorel angin Mizoram State University chu Lungleiah suan a nih tur thu a puang leh lawi a. Cabinet rorel anga sawn a nih thu a sawi hnu daihah Cabinet in By Circulation-in an passed leh hnuhnawh tih document atangin finfiah a ni thung, an ti bawk.
MNF Party chuan, hengte hian Minister Dr. Vanlalthlana dawt thuahhnih sawi a lailang chiang hie niin an sawi a, zak miah loa 'dawt double Zoram mipui min hrilh duhtu Dr. Vanlalthlana hi Minister nizui tlakah kan ngai lo a. Minister atanga a ban ngei hi kan phut a ni, an ti bawk.
