MNF-in Mizoram Independence Puan Diamond Jubilee an lawm.
Kawng lakah Pathianin MNF hi a kalsan dawn lo a, a hun a tihah Pathianin a chawisang leh zel thin. Pu Duha'n pawl hrang hrang dina kum 40 chuang zet a kalpui hnuah ZPM chu kum 2023 inthlanah khan an thlipui a tleh. An mo thar laiin rulling lai an tlin ngei ngeina thin inthlan hrang hrangah an tla zel, MNF President
Vawiin March ni 2, 2026 (Thawhtanni) khan Vanapa Hall-ah MNF Party chuan, Mizoram Independence Puan kum 60-na 'Diamond Jubilee an lawm a. Jubilee thuchah sawiin MNF President Zoramthanga chuan, Mizoram Independence puan kum 60-na tling thei tura MNF nunna zuah zel a la ni leh MNF Founder President Pu Laldenga nupui Pi Biakdiki pawh thu sawi theia a la awm chu Pathian hnenah lawmthu a sawi. MNF chu kum 1961 din niin, tunah kum 65 hmel a hmuh tawh thu a sawi bawk a. Hengte hi movement dangin an tih ve theih loh, Pathian remfel ang thlapa kal a ni, a ti.
MNF President chuan, "Pu Duhoma'n pawl hrang hrang dina kum 40 chuang zet a kalpui hnuah ZPM chu kum 2023 inthlanah khan an thlipui a tleh a, MLA 20 chuang zet neiin an sorkar ta a. Mahse, mipuiin an hre chiang tulh tulh a, an mo thar laiin rulling lai an tlin ngei ngeina thin inthlan hrang hrangah an tla zel a. Sinlung Hills Council-ah te, Dampa bye-election ah te, LADC-ahte pawh an tla zel a ni. Nasa takin electric bill an tisang a, eng sorkar mahin a la tih ve ngai loh petrol leh diesel man an tisang a, revenue tax hrang hrang a letin an tipung a, ration buhfai man a letin an tisang bawk. Sawhthing leh hmunphiah chingtute an mangang em em a, sorkar hnathawkte pawh a ni telin ZPM sorkarah an beidawng nasa hle. A tuka lang leh mai tur an hotupa berin dawt a sawi zuah zuah a, a hoten an chulmamsak zel a, a hote chulmam sen loh hutupa berin dawt a sawi thin a. Kawng lakah Pathianin MNF hi a kalsan dawn lo a, a hun a tihah Pathianin a chawisang leh zel thin a ni," a ti bawk.
