MNF Legal Board in MCC bawhchhiat chungchang-ah complaint an thehlut.
Vawiin khan MNF Legal Board chuan thuchhuah siamin, Aizawl District Election Officer hnenah MCC bawhchhiat a nih chungchangah complaint an thehlut a. He complaint hi MNF Legal Board Joint Secretary Lalbiakkima, Advocate hmingin thehluh a ni.
MNF legal Board chuan, "MCC bawhchhiatna a complaint an thehluhah hian MCC No. II leh VIII hnuaiah khuahkhirhna dan awm chu chiang takin palzut a ni, an ti a. He complaint hian a tum chu Aizawl hmasawnna atana hmalakna daltu nilo in dan hnuaiah, dan ang takin hmasawnna hi kal se kan duh, an ti a. Inthlan denchhen a dik lo taka hmalak hi do a ngai a ni tih rilru pu a complaint hi thehluh a ni", an ti.
MCC dan bawhchhiatna chungchangah te hian MNF Legal Board chuan, Aizawl District Election Officer hnenah complaint a thehlut a ni. An complaint thehluh chhan te chu, Aizawl East- II ZPM Block Media Cell thuchhuahah, Ni 06.04.2026 khan Minister B. Lalchhanzova chuan Armed Veng South Cultural Club-te senso a tumsak thu an tarlan chungchang te, Aizawl East-II huamchhungah tho Chhinga Veng Junction ni 11.04.2026 a siam te, Ni 26.03.2026 ah K. Lalrodinga Ward No XVIII ZPM Candidate chuan, Venghnuai Branch MUP te chu pawisa pe in sorazo a sem bawk tih te, Minister C. Lalsawivunga chuan 11.04.2026 Republic Vengthlang ah transformer dah a tiam thu a sawi te leh MP Richard Vanlalhmangaiha chuan 11.04.2026 khan Republic Vengthlang leh Upper Republic chu Mahindra Bolero pick up a pek chungchangah te a ni..
