Vawiin October 1, 2025 (Nilaini) hian MPCC Treasurer Dr. Lalmalsawma Nghaka chuan Dampa Bial by-election inbuatsaihna atan West Phaileng, Kawnmawi leh Chhippui khuate a tlawh.
MPCC Treasurer chuan, "Dampa bialah hian MNF leh ZPM te nasa takin an campaign mek a, mipuite hnenah thil tam tak an tiam leh tawh a. Anni party-te hi an intiamna an tihlawhtling thin em tih mipuiten ngun taka in chhut ka duh tak zet a. MNF leh ZPM te hi hmui dawthei hotua nei ve ve party an ni a. Mizoram mipuite hi thu tam tak min tiam tawh a, an rinawm loh em avangin Zoram mipuiten an nuihzat mek a ni, a ti.
MPCC Treasurer chuan, thutiam ti hlawhtling thin chu Congress Party chauh hi kan nih avangin mipuiten Congress lam an rawn hawi zel avangin kan lawmlut awl lo a. Congress party candidate John Rotluangliana hian Dampa bialah hian mi 100 tel lawmluh tur a nei leh mek a ni, a ti a. ZPM chu sum puk specialist an ni tiin, sum puk ve lo tura intiamte khan nasa takin an puk leh si a. Mipuite Leiba tam tak min hnutchhiah dawn a, chu a chhapah an sum pukte hi mipui a thleng phak leh si lo a ni, a ti bawk.
Mizoram chhung kawng chu tunhma aiin a chhiat thu sawiin, MPCC Treasurer chuan, Dampa bial chhung kawngpuite chu kal harsa khawpin a chhia tih mipuiten kan hria a. A mawhphurtute chu MNF leh ZPM party an ni a. Hmasawnna tluantling tak tak ngaihsaktu chu Congress Party chauhi kan ni a, Mizoram rotling awm zawng zawng deuhthaw hi Congress sorkar laia sual chhuah a ni deuh zel. Congress a sorkar leh hunah Mizoram kawng pawh hi a tha leh mai ang tih hi Zoram mipuite rilru a ni tlat tawh a. Mizoram hmasawnna kawng min zawhpuitu awmchhun Congress party candidate lo vote vek turin Mipuite ka sawm che u a ni, a ti bawk.
