MNF President in Independence puan kum 60-na Lungphun a hawng.
March 1, 1966-a MNF-in Independence puan chu kumin March 1, 2026 hian a kum 60-na alo tling der tawh mai a. He Independence puan kum 60-na, Diamond Jubilee hi MNF chuan ropui takin an lawm dawn. Kum tluanin, programme hrang hrang hmangin a lawmna hi hman an tum a. Diamond Jubilee lawmna thupui atan hian, 'Zalenna sangber neih hi Mizote chanvo a ni,' tih an hmang a ni.
A ni tak, March 1, 2026 hi Pathian ni a nih avangin, vawiin ni 2.3.2026 (Thawhtanni) hian Vanpa Hall-ah lawmna hun hi hman tan a ni a. Diamond Jubilee puala Lungphun hi Mizo Hnam Run kawtah phun a ni a. MNF President Zoramthanga'n Jubilee Lungphun hi a hawng a. Jubilee lawm kharna hun hi nakum March 1, 2027 ah hman tum a ni.
