Defence Minister Rajnath Singh-hoa 'meeting' neihah Mizoram Lok Sabha MP-in a rang lama kawng siam turin a ngiat.
Nimin khan Rajnath Singh Defence Minister, Gov't of India-hovin Lok Sabha leh Rajya Sabha Political Parties Floor Leaders ten Parliament Budget Session inpuahchahna atan 'meeting' an nei a. 'Meeting'-ah hian sawm anih angin ZPM Lok Sabha Leader Pu Richard Vanlalhmangaiha, Lok Sabha Member of Parliament pawh telin, Mizoram MP hian kumin fur ruahtui a tlak tak tak hmaa Sairang leh Khamrang kawng te ṭha taka siam vat vat a nih theih nan sorkar laipui chu chak lehzuala hma la turin a ngiat thu a sawi.
Main Committee Room, Parliament House Annexe, New Delhi-a 'meeting' an neihah hian Pu Richard Vanlalhmangaiha hian nikum fur lâiin Mizoram châk lakna kawng pawimawh ber a chhiat avangin harsatna nasa tak a thlen thu a sawi a. Kuminah hian nikum lama Mizoramin harsatna nasa tak a lo tawh ang a thlen tawh lohna turin, sorkar laipui chu rang taka hma la turin a ngên a ni.
