MPCC Legal Cell chuan SEC leh MPF Hqrs. Aizawl-ah Complaint an thehlut.
Vawiin Ni 16.4.2026 (Ningani) khan MPCC Legal Cell chuan SEC leh MPF Hqrs. Aizawl-ah, Election Model Code of Conduct bawhchhiatna a awm ni a sawiin, Complaint an thehlut. An Complaint an thehlut-ah hian Saikhamakawn Aizawl-a Minister Official Car MZ01-T-3141 hmanga campaign a nih thu an tarlang a ni.
An Complaint an thehlut :-
To,
The Chairman/General Secretary
Mizoram People Forum
Subject: Model Code Of Conduct bawhchhiat chungchanga Complaint thehluhna
Ka pu,
I hnena ka thu rawn thehluh hi a rang thei ang bera hma min laksak turin ka ngen a che.
Tun tum Aizawl Municipal Corporation inthlanna lo awm turah hian party tin te kan tangin chak ngei tuma hma la theuh kan ni a. He inthlanna lo awm tur hian Campaign vanglai a tawng mek a ni. Hetih lai hian ni 15th April, 2026 (Nilai) zan dar 8:00 hian Saikhamakawn Apex Bank kawtah ZPM Minister leh ZPM MLA Adviser to CM te chuan an Official Car leh Designation Plate tar chungin, Model Code Of Conduct for Election Conducted by the State Election Commission, Mizoram pawisakna leh zah derna tel miah lovin an Official Candidate a tlin ngei theih nan nasa takin an Campaign tih hriat a ni.
He thu hi MPF Local Forum Saikhamkawn te hriattir nghal an ni a. Tin, State Election Commissoner hnenah Complain thehluh a ni bawk.
He thilah hian Ruling leh Opposition Party ten inang khata Campaign tluang taka neih a nih theih nan ni 24thMarch, 2026 chhun dar 12:00 khan All Party leh MPF te Joint Meeting min lo neihpui tawh a. Kha Meeting-ah khan lungrual takin Model Code Of Conduct zawm theuh turin kan lo intiam vek tawh a ni.
Model Code Of Conduct zawm tur a awm tih hre reng chunga hetia ZPM Minister leh ZPM MLA Adviser to CM ten pawisakna nei miah lova an Campaign chiam mai hi Dan bawhchhiatna chiang tak a ni tih MPF Headquartes te ka rawn hriattir a ni.
Documentary Evidence atan Photo Copy ka rawn thil tel e.
I rintlak,
(H. LALMUANKIMA)
Secretary
MPCC Legal Cell, 9436159494
