MPCC President in ZPM sorkar, BJP thawhpui nghet turin thurawn a pe.
Vawiin khan Aizawl District Congress Committee chuan Lal Thanhawla Auditorium ah “Aizawl City Area's Block, Group, Unit Joint Meeting” neih a ni a.
He hunah MPCC President Lal Thanzara chuan thu a sawi a. "Pathianin Indian National Congress min pe hi lawmthu sawina tham a ni a, khawvela Constitution ropui tak min siam sakin sakhaw tin tan zalenna min pe a, keini Kristian tlemte te pawhin zalen takin Pathian rawng kan bawl thei a ni. Nimahsela, vawiinah chuan nek chepin kan awm a, a vanduai thlak hle." a ti.
MPCC President chuan, tunah hian mipuite tan khawsak a harsa em em a, kan enchhin sorkar hian inthlan laiin BJP sum an hmang a, an tlin tawh hnuin ngaihdan dang an neih san leh si a, tunah hian pawisa rawn pe tuten Mizoram tan pawisa an rawn release tha duh lo ta a. Hei hi mipuiin kan tuar mek a. Chuvangin, mipuite harsatna hriain kan sorkar hian Pu Beichhua te hi dinhmun tha pe tawh se, central an au ei tawh mahna. Zoram mipuite hma khua ngaiin BJP nena an thawhhona hi ti nghet tak tak tawh turin ZPM sorkar hi thurawn kan pe a ni,” ti bawk.
MPCC President chuan, Airport ram hrul sum siamnaah kan party kan tel ve lo pawh hi lawmthu sawina tham a nih thu a sawi bawk a ni.
Meeting-ah hian Resolution hrang hrang pawm a ni bawk.
