MPYCC-in Ramrikawn to Sakawrtuichhun kawng hnathawh tha lo leh Lungrem chim an tlawh
Vawiin ni 23.06.2026 (Thawhlehni) khan MPYCC chuan an Vice President Lalsanglura Sailo hovin Ramrikawn to Sakawrtuichhun NH-54 kawng hnathawh tha lo leh Lungrem duhdah lutuk avanga chim an tlawh.
MPYCC thuchhuah chuan, he kawng siamtu Vanchunglura ZPM PAC Member leh Chief Minister Lalduhoma duhsak emem hnathawh danah sorkarin action na taka la turin an ngen a, action a lakhma loh chuan he hnathawh chhe lutuk avanga harsatna thleng hi MPYCC chuan a umzui zel dawn a ni, an ti.
MPYCC chuan, ZPM Party in an Campaign laiin tul bik thil teah lo chuan restricted tender pawh an tih ve loh tur thu an sawi a. Mahse sorkar hmasa hun laia sanction an tih felsa vek tawh, election puan a nih tak avanga tender erawh an tih fel hman loh, Ramrikawn to NH-54 via Sakawrtuichhun kawng chu restricted tender-in hna an pe hman tep a, engkim tih fel tawh a ni a, work order erawh an la pe chhuak hman lo mai a ni, an ti bawk.
He hna restricted tender-a tih fel vek tawh, restricted tender tihdan dik taka tih anih loh avanga mi thahnemngai ten cancel leh turin Chief Minister hnenah Chief Minister Lalduhoma ngeiin restricted tender reng reng chu Chief Minister phalna la hmasa lo chuan chhuah phal loh anih thu Office Memorundun No. A. 12011/8 /2024 F- Est dated 12. Febuary 2024 chhuah a nimahse he mi hnu lawk hian dik lo taka restricted tender Ramrikawn to NH-54 via Sakawrtuichhun kawng hnathawh tur chu chhuah a ni zui tho a, mahse Party mualphona a thlen dawn avangin work order issue hmain cancel leh a ni, an ti a. Chief Minister pawhin Assembly session ni 09.03.2024 ah khan cancel a nih thu sawi chhuakin, open tender-a chhuah tur a nih thu pawh a sawi nghe nghe niin an sawi bawk.
MPYCC chuan, Hetiang a nih lai hian General Financial Rules leh PWD Manual bawhchhiain, restricted tender hmanga thawh tir an tum chu Departmental Work-in Chief Minister Lalduhoma duhsak Vanchunglura, ZPM PAC member nilai chu a thawh tir leh si a, he lai kawng siam nan hian cheng nuai 400 chuang dah a ni a. Departmental Work-a inthawh tir chi pawh nia lang lo hna lian chu ZPM sorkara Departmental Work-a hna inthawh tirna lian ber record nimahse Vanchunglura hian a hnathawh a hun taka a zo leh thei si loh avang leh hna a thawh chhiat luat avangin hasratna tam tak a thleng zui an ti.
Helai kawngpui siam leh kawngpui siamna atana lungrem reng reng a tha lo hle a. Sawiselna a tam em em a, tui pek ṭhat a ni lo va, a hun takah zawh a ni lo bawk a, chuti chungin quality test result pawh a chhe em em bawka. Hei hi ni 23.6.2026 (Thawhtanni) ZPM chhung inkhawmah chiang takin Aizawl West _ I bialtu MLA leh Adviser to Chief Minister (Finance) TBC Lalvenchhunga’n a ruh langin ZPM chhung inkhawmah sawi chhuak hialin ZPM party chu khe chhe mai thei dinhmuna a din chian zia a nemnghet a ni, MPYCC chuan an ti bawk.
