MSU-in College zirlaite Study Tour atan Rs. Nuai 150 an phut.
Vawiin February Ni 16, 2026 (Thawhṭanni) khan Mizo Students’ Union (MSU) General Headquarters, Aizawl hruaitute chuan Budget Session lo awm tur chungchang-ah, Party hrang hrangte hnenah lehkha an thehlut.
MSU hruaitute chuan, College zirlaite Study Tour Cheng Nuai 50 Mizoram Budget a awm chu, Cheng Nuai 150 a tipung turin Mizoram sorkar an lo ngen tawh ṭhin a. Hei hi ziakin Chief Minister hnenah February Ni 7, 2025 khan an lo thlen tawh tih an sawi a. Naktuk ni 17.02.2026 atanga tan tur budget sessionah hian Nuai 50 aṭangin Nuai 100 a tipung turin chhawpchhuah a ni dawn a. Hei hi an lawm viau rualin tun dinhmunah hian, Mizoram sorkar College-ah zirlai 13,553 (singkhat sangthum zanga sawmnga pali) lai an awm tawh a, college zirlai pakhat hian Chng 737 bak an la chan theih dawn loh avangin, bei tham hlein MSU chuan an hria a. Hemi avang hian Nuai 150 chu MSU dinna a ni tih hria a, Party anga thlawpna an ngen a ni.
MSU hruaitute hi ZPM Party aiawhin VL Zaithanzama MLA chuan a lo dawng a, MNF Party aiawhin Vanlalzawma Vice President chuan a lo dawng. MPCC aiawhin Lal Thanzara President chuan lo dawngin, BJP aiawhin party President Dr. K.Beichhua chuan MSU hruaitute hi a lo dawn sawng a ni.
