MSU-in 'Mizoram Scholarship Board' Scholarship sem hun tur an zawt fiah.
Vawiin July ni 8, 2026 (Nilaini) chawhnu khan Mizo Students’ Union (MSU) hruaitute chuan Mizoram Scholarship Board Under Secretary Joseph L.Hauhnar an hmu a. Scholarship sem hun tur chungchang an zawt fiah.
MSU thuchhuah tarlan danin, Scholarship Board Under Secretary chuan Scholarship 2025-2026 sem tur chu Central aṭanga Mother Sanction cheng nuai sing li za sarih sawm sarih panga (Rs.40775 lakhs) chu Ni 23.06.2026 khan an dawn tawh thu a sawi a. Mizoram sorkar lama tihfel ngai te tihfel thawkhat tawh anih thu leh, July ni 15, 2026 (Nilaini) ral hma hi chuan sem ṭan hman an inbeisei thu a sawi a ni.
MSU chuan Mizo zirlai Scholarship dil zawng zawngte chu Bank Account leh Aadhar te a in thlunzawm (seed) felfai em tih lo endik turin an chah a. Zirlai te’n Scholarship kan dawn zat tur pawh mahni Institution-a Scholarship buaipuitute (Nodal Officer) hnenah zawtin, lo ngaihven vek tura hriattirin, scholarship kan dilna account te lo khawih che a, lo ti nung tha vek turin zirlai te an chah bawk a ni.
