MUHCS-ah chhungkaw 2,88,702 inziaklut tawh.
Vawiin-a Chief Minister hovin MUHCS Governing Body thukhawm tarlan danin, MUHCS ah hian chhungkaw 20,198 mihring 80, 792, pensioner chhungkaw 10,236 mihring 40,944, sorkar hnathawk chhungkaw 35,325 mihring 1,41,300 leh AB PMJAY chhungkaw 2,22,943 mihring 8,91,772 awmna, a vaiin chhungkaw 2,88,702 te, a mihringa mi 11,54,808 te chu an inziaklut a.
Tun kum kal mekah chhungkaw inziaklut zawng zawng atanga chhuta za zela sawmhnih pakua (29 %) ten medical bill an thehlut a, chu chu mihring inziaklut zat atanga chhutin za zela pasarih (7%) an ni. Mi pakhat hnena bill pek zat (approved) hi chawhrualin (Avarage Payout per Patient) Rs. 15,106 a ni.
MUHCS kalpui a nih hnuah hian sorkar damdawiin pantu an pung nasa a. Bill endik tawh za zela sawmsarih (70%) chu sorkar hospital-a lut a ni. Sorkar hian empanelled hospital-te hnenah ni 30 chhungin bill a pe chhuak thin ang", tia dan siam a nih laiin sum leh pai dinhmun a that avangin kartin pawisa hi an pe chhuak thin zawk a. Chuvangin, empanelled hospital-te tan harsatna engmah a awm rih lova ngaih a ni.
