MZP leh Hnampual Zirlai Pawl ten, 8th Schedule -a Mizo tawng dah pawmpui/remtihna kan sawi chhuak lo.
Vawiin Ni 9.3.2023 khan MZP chuan Aizawl Press Club-ah thuthar lakhawmtute kawmin, Mizoram State Legislative Assembly Session neih mekah “Eighth Schedule of the Constitution of India-ah Mizo tawng hi telh tura hma lak ni rawh se” chu passed a ni ta a, hemi chungchangah hian NGO hrang hrang hming lamchhuah niin zirlai pawl zingah Mizo Zirlai Pawl leh Mizoram Bawm Students’ Association (MBSA), Rang kilong Students’ Union (RSU), Hmar Students’ Association (HSA), Siamsinpawlpi (SSPP), Lai Students’ Association (LSA), Mara Students’ Organisation (MSO) leh Pang Zirlai Pawl(PZP) hming te lam chhuah a ni a.
Mizo Language Development Board (MLDB) Board hnuaia din Eight Schedule Study Group hian, MZP leh CYMA te nen December Ni 11, 2025 (Ningani) chawhnu dar 12:30 PM khan inkawm khawmna neih a ni a. Tin November ni 25, 2025 (Thawhlehni) Chawhma dar 11:00 AM khan Mizoram Bawm Students’ Association (MBSA), Ranglong Students’ Union (RSU), Hmar Students’ Association (HSA), Siamsinpawlpi (SSPP), Lai Students’ Association (LSA), Mara Students’ Organisation (MSO) leh Pang Zirlai Pawl(PZP) te nen inkawmhona hun neih a ni.
Heng meeting-ah hian MZP emaw heng a hnuaia in affiliated Hnampual Zirlai Pawl te hian, 8th Schedule -a Mizo tawng dah hi kan pawmpui thu emaw remtihna kan sawi chhuaklo a hrim hrim a, session neih meka Education Minister leh Chief Minister te’n MZP leh hnampual zirlai pawl te’n kan pawmpui ni a sawi hi Mizo Language Development Board hnuaia din Eight Schedule Study Group hian sorkar hnehah thudik tawklo an thlen(report) ni ngeiin kan ngai a ni, an ti.
8th schedule chungchangah hmalakna-ah hian hman atanga MZP leh Hnampual zirlai hruaitute ngaihdan a la ngai reng a, Zofa zawng zawngte Mizo-a lungrual taka kan luankhawm theih hun hi kan nghahhlelh leh kan duhthusam a ni, an ti bawk.
