MZP-in ILP khauh zawka kalpui an duh.
MZP Gen hqrs President Dr. C Lalremruata leh a thawhpuiten vawiin khan Aizawl Press Club-ah thuthar lakhawmtute an kawm a. Inrinni kaltaa ILP an enfiahnaah, thil diklo an hmuh chhuah zingah mahni leh mahni (hnamdang leh hnamdang) in sponsor te an awm tih an sawi a. Khauh zawka ILP kalpui leh kenkawh țul an tih thu an sawi bawk.
MZP chuan, Inner Line Pass pe chhuaktu lam pawh fimkhur zual tur leh diklo taka an pekchhuah kan hmuh chungchangah, a pe chhuaktu hrem anih ngei theih nan a hma la turin thuneitute a ngen tih an sawi a. Mizoram sorkarin Gazette Notification No. F. 22015/1/2012-HM dt. 25th November, 2016 a tihchhuah self-sponsorship chu Non-Tribal Trade License holders neite tana an phalsak hi a mak kan ti em em a, sorkar hian he notification hi sut vat turin MZP chuan a ngen a ni, an ti a. Heltiang bawk hian Gazette No. F. 22015/1/2012-HM, the 11th August, 2017 nain Non Tribal Trade Licence holders ten mi 5 thleng managers/helpers an sponsor thei chu țha an tih loh thu sawiin, he thupek pawh hi sut nghal turin MZP chuan sorkar thuneitute a ngen thuan sawi bawk.
MZP chuan, Mizote hi chimral tham lek kan ni a, ILP check chungchangah hian a ţul anih chuan MZP hian nasa takin hma a la zel dawn a, Mizo hnamdang (vai) chhawr leh hlawkna um la vai sponsor leh an thlavang hauh țhin tun thlenga an la awm chu MZP chuan mak a ti hle a, mahni hnam hralhtu ah MZP chuan a ngai a ni, an ti bawk.
