National Nutrition Month hawnna neih a ni
Nimin khan Mizoram pumah Rashtriya Poshan Maah (National Nutrition Month) hawnna neih a ni a. Hemi pual hian Directorate of Women & Child Development chuan Dawrpui Multipurpose Centre-ah sikul naupangte leh college zirlaite nen ei tur mawm, al leh thlum eiluat in hrisellohna a thlen theih chungchang zirtir na hun a hmang.
He programme hi Women & Child Development Director Zoramthangi'n a hmanpui a. Nutrition Counselling-na hmun te, Nutrition Hub - Ei leh in hrisel tarlanna hmun leh Health Checkup - Anaemia Test, Weight leh BP check-na hmun te buatsaih a nih bakah, tukțhuan hrisel (Healthy Breakfast) siamdan zirho niin, Anganwadi Workers Training Centre-a Instructress ten demonstration an nei a. Fitness Trainer hovin “Bodyweight Boot Camp” hun hman ni bawkin, taksa sawi zawi dan zirtir an ni a. Directorate of AYUSH aṭangin “Demonstration of YOGA” hun hmangin, taksa hrisel nan a pawimawhna entir a ni bawk. Rashtriya Poshan Maah 2025 hawnna, Prime Minister-in a neih chu live telecast in an chhim bawk a ni.
