Vawiin Congress Bhavan-ah Political Session-ah P.L. Thanga, IAS (retired) chuan thu a sawi a. Vawiin thleng hian NLUP hi pawn lam atanga thlirtute hian an hrechiang lo hle a. An sawisel nasat poh leh an hriat lohzia an tarlang mai mai a, mahni mawng hlimna a ni. NLUP hi mi tam ber hian chhungkaw chhawmdawlna angah a nawlpuiin kan dah a. Mizoram thar siam nana kalphung thar buatsaiha, ram siamtharna, hun rei tak kan ngaihthahte pawh siamthar lehna zawk a ni a. Tuna kan Prime Minister Narendra Modi ngei pawh hi NLUP tha tia faktu a ni. a ti.
PL Thanga chuan, NLUP kan kalpui dawn a Centre in tehfung Per Capita kum 8 chhunga phak tur min tuksak kha kan kalpui tirha Rs. 51,000 min tuk a, chu chu kum hnihah Rs. 57000 in kan pel a, kum nga naah phei chuan kum 8 a min tuksak kha a letin kan khum a. NLUP aia project hlawhtling India ramah a awm lo a ti.
NLUP hi Mizoram tan project rangkachak a ni a. NLUP kan kalpui hma khan MNF khan MIP an kalpui a, MIP a thawktu zawng zawng driver te thlengin a bo a bang awm lovin kan chhawm vek a. MNF kha kum thum chhung daih tur sum kan hnutchhuah bawk a, thil dangah an hmang a niang a ti.
