North Vanlaiphai Welfare Aizawl in tual thattu a phu tawk hremna pek phut.
NORTH VANLAIPHAI WELFARE AIZAWL
PRESS RELEASE
27.01.2026
North Vanlaiphai Welfare Aizawl chuan Tv. Richard Lalhmingliana, kum 27 N.Vanlaiphai khua vanduaithlak taka January 26, 2026 zing lama boral chungchangah kutthlaktu ni a rinhlelh H.Lalruatmawia Chanmari West Aizawl chu Mizoram Police-ten rang taka an man nghal thei hi lawmawm kan ti hle a. He pawikhawihna leh thihna chungchang pawh hi chak taka an chhui chhuah thuai kan beisei a, kutthlaktu hian a phu tawk hremna a hmuh ngei kan phut bawk a ni.
Video footage a kutthlaktu chet dan han en hian pawisak nei lo, nunrawng taka chetna niin kan ngai a, hetiang mi hi mi dangte tan pawha mi hlauhawm niin a lang. Chuvangin, hetianga tharum thawhna rapthlak tak hi a thlen tawh lohna turin kutthlaktu hi dan hmanga hrem ngei ni se kan duh tak zet a ni.
North Vanlaiphai Welfare Aizawl chuan Tv Richard Lalhmingliana kal san tak a chhungte kan tawrhpui tak zet a, an tawrhna te Pathianin a chhawk zangkhai ngei kan duhsak a ni.
(LALTHLAMUANA RALTE)
President
North Vanlaiphai Welfare: Aizawl
(C. VANLALVENA)
Secretary
North Vanlaiphai Welfare: Aizawl
