P&E Minister in Kanghmun tlangdung tlawh
Nimin khan Power & Electricity Minister F. Rodingliana chuan Kanghmun, Bawlte, Darlung, S.Sabual leh Bawngthah khuate a tlawh a, Dampa Constituency by-election ZPM official candidate Vanlalsailova'n a tawiawm.
Minister chuan thu sawiin, ZPM Party chuan kan budget mil tawk turin policy kan duang a, a hlawhtlinna kan hmu chho zel a, tun aia hlawhtlinna sang zawk kan hmuh theihna turin ke kan pen zel dawn a ni, a ti. P&E Minister chuan, ZPM chuan kan state budget mil tawk turin Policy kan duang a, kan policy hlawhtlinna hmel pawh kan hmu chho zel a. Party dang policy kha chu mipuiten kan chhawr ve dawn chuan unit enrollmemt fee te nena thleng a ngai thin a, ZPM sorkar-ah chuan a thawkrim ten an chhawr mek a. Mizorama ro lo rel tawh party pahnih ten kum 30 chuang an tih theih loh kha ZPM sorkar kum hnih khat lekah min tih zawh tir vek an tum a, hunin min la daih bik lo a ni, a ti bawk.
Dampa Constituency by-election ZPM Candidate Vanlalsailova pawhin thu sawiin, ZPM hian official-in candidate kan puang hmasa ber a, a vawihnihna atan min ruat leh a, kan hotuten ZPM MLA neih lohnaah te bial vil rih loh nise an ti a, chuti chung chuan bial chhung mipuiten min mamawhnaah chuan sorkar-ah theih tawp kan chhuah zui ve zel a ni. Mipuite khawngaihna leh duhsakna dawnga malsawm zawk kan lo ni a nih chuan, theihtawp tak meuh meuh chhuahin. Dampa bial tan hna kan thawk dawn a ni, a ti.
