Vawiin khan Congress Bhavan, Lunglei-ah Leaders’ Meet leh Mi thar lawm luh na hun an hmang a, MPCC Treasurer Dr. Lalmalsawma Nghaka'n a hmanpui.
MPCC Treasurer chuan, ZPM hi MNF nen an danglamna a awm lo, MNF khan mipuite hnenah cheng nuai thum an zuar a, mi vannei bik hnenah cheng sing hnih sang nga an pe thei hram a. Tuna BANAKAIH policy-ah pawh hian mi 700 vel chauh an thlang chhuak a. Congress party chuan mi nawlpui hmakhua ngaiin NLUP-ah khan chhungkaw 1,43,000 chuang hnenah bultanna tur kan pe a ti.
MPCC Treasurer chuan, Kum 2 lek chhungin, rorel mek ZPM Party hian an zia an thlak hlawk thei a. Kum 2023-a FCAA 2023 hlau-a dan sakei tia do nasa ber thinte khan, vawiin ah chuan a dan pass tu leh fak mawitu a ni ta. Kum 2023 inthlan hmaa Pathian fakna hla nena campaign thin te khan, kum 2025 meuhah chuan vai love song nen an campaign ta a ni, a ti bawk.
