PC Party in Assembly Speaker khawng taka inkaihhruaina kengkawh zui tawh turin an ngen.
Vawiin March 18. 2026 khan PC Party chuan thuchhuah siamin, 9th Mizoram Legislative Assembly, thutkhawm vawi 6-na tluang leh tha taka neih zawh a ni ta chu lawmawm an tih thu an sawi a. Hetih rual hian, tun tum session neih zawh takah, session hmasa lam aiin House proceedings kalpui dan ah leh House chhunga member te chêt danah titi atam in, Speaker-in inkhâwm kaihruai mumal hleithei loa member zinga mimal deuh taka chêt la thin an awm thin hi a pawi kan ti hle a ni, an ti.
PC Party chuan, thupui hrang hrangte sawiho leh chaihona ah te dân awmsa kalphung zâwm lo leh pawisa miahloa MLA zînga khawsa an thin awm hi a zahthlak in, House zahawmna tihbawrhbanna leh tihhniam na ah an ngai a. Kalphung thar sawkar kan hrawn mek hnuai a, kan ram a rorelna sâng ber chhûnga kalphung thar kan hmu hleithei lo hian mit leh beng a tithlep nasa in ngaihtuahna a ti thui viau in kan hria a ni, an ti.
PC Party chuan, tun hnuah, House chhûnga rorelna(proceedings) te zahawm tak leh puitling taka kalpui a nih theih tawh nan leh code of conduct leh rules of procedure te diktak a kenkawh a kalpui anih theih nan khawng taka inkaihhruaina kengkawh zui tawh turin Speaker an ngen tih an sawi a; kan dân siam pawl(legislators) te pawh, inkaihhruaina awm ang te mumal taka zàwm chunga rorel thin tawh turin kan ngen a ni, an ti bawk.
