Rajya Sabha MP Mizoram kawngpui pawimawh siam turin sorkar laipui a ngen.
Parliament session neih mekah vawiin 12.2.2026 khan Rajya Sabha MP K.Vanlalvena chuan Zero Hour ah thu sawiin, Mizoram-a kawngpui pawimawh pathum siam thuai a tul thu a au chhuah pui.
Rajya Sabha MP chuan, Hnahthial atanga Myanmar ramri kawng pahnih, Hnahthial- Tarpho- Khawhri- Cherhlun- Thingsai- Bualpui H- Saisihchhuah kawngpui leh Hnahthial- Tuipui D- Darzo- S.Vanlaiphai- Sangau- Pangkhua- Saisihchhuah kawngpui te chu, National Higway a puang ve ve turin sorkar laipui a ngen a. Kum 2020-ah Myanmar sorkar in Chin State khawpui Hakha atanga India leh Myanmar ramri Saisihchhuah thlenga Double Lane kawngpui an sial zawh tawh thu leh India sorkar a, Ministry of Commerce and Industry in Saisihchhuah ah ramria insumdawn tawnna hmun tenau, Border Haat a puang tawh chungin kawngpui in a la pawh loh thu a sawi chhuak a. He kawngpui hi sial tlang a National Higway a puan an nih chuan Act Eat Policy tih hlawhtlinna atan te, ram venhimna atan te leh Mizorama tribal mipuite ei leh bara hma an sawnna atan te a tangkai tur thu a sawi a ni.
Rajya Sabha MP K.Vanlalvena chuan Sairang Rel Station hawn thar a nih atangin Aizawl leh Sairang inkar lirthei tlan zat a pun phah nasat thu sawi bawkin, tuna kawngpui awm mek National Higway No. 54 chu a zau tawk tawh loh thu leh a rang thei ang bera Four Lane kawngpuia siam a tul thu a sawi bawk a ni.
