Sorkar kum kal mekah NABARD leh SASCI atangin Vbch 2,544.43 an puk tawh.
Assembly Session neih mek a zawhna ziak a chhanna-ah Chief Minister Lalduhawma chuan, tun sorkar kal mekah NABARD atanga sum an puk zat chu cheng vbch 199.26 vel anih thu sawiin, hei bakah hian SASCI Loan atangin cheng vbch 2345.08 an puk tawh thu a sawi.
Chief Minister chuan NABARD hnuaia project tur te chu Department hrang hrangin an proposal neih te Planning & Programme Implementation Department (RDB) ah an thehluh thin thu a sawi a. Research and Development Branch (RDB) chuan a tul anga an zir chian hnuah projects an pawm te chu High Powered Committee (HPC) on NABARD Meeting-ah pharh leh thin niin, Rural Development a nihna anga hmasawnna khairual thei tur ang berin leh NABARD hnuaia allocation awm thei zat mil zelin Department hrang hrangh sum puk te hi a sem darh thin thu a sawi bawk.
Hei bakah hian Chief Minister chuan sorkar kum kal mek a, Department hrang hranga sorkar hna post ruak hnawhkhahna tura Finance Department in pawmpuina a pek atanga sorkar-in hlawh leh an hamthatna atana sum a sen belh tur hi kum khat atan Rs. 11.25 crore vel nia chhut anih thu a sawi tel bawk.
