South Vanlaiphai-ah Mizoram Baptist Mipa Pawl Inkhawmpui mek.
Ni 13.2.2026 (Zirtawp) zan atang khan Mizoram Baptist Mipa Pawl (MBMP) chuan, South Vanlaiphai-ah Inkhawmpui vawi 2-na an nei tan a, zain Pathianni zan hian a tiak ang.
BMP Inkhawmpui vawi 2-na hian thupui atan "Khawvel Mamawh Isua Krista" tih hman a ni a. Speaker hrang hrang ten he thupui hmang hian thu an sawi a ni. Khawpui palai hi Pathianni tuk thleng kan an la thlen belh zel avangin, palai hi mi 3500 atanga 4000 inkar vel an nih rin a ni.
Baptist Mipa Pâwl hi May 4, 1980 khan Thingsai khuaah din tan a ni a. A hmingah ‘Baptist Men’s Fellowship’ tia dah a ni a, kum 1983-ah ‘Baptist Mipa Pâwl’ tiin Mizo tawngin dah a ni a. Kum 1988 Assembly-ah BMP chu Kohhran hnuaia pawl pakhat ni tura pawmin, kum 2011 Assembly chuan BCM Planning rawtna pawmpuiin, tualchhung kohhran bâkah Pastor Bial huapa inthlunkhawmna neih leh Bial Rorel pawh a lo phalsak a. Bial - 80 awmin, Unit - 336 a awm mek a ni.
Tun dinhmunah, Mizoram Baptist Kohhran inchhiarna 2024-2025 in a tarlan danin BMP hi Pastor Bial-92 ah unit 351 din tawh a ni a, member 16,866 an awm mek a. May 4, 2025 khan Baptist Mipa Pâwl chuan an din champha Vawi - 45 na an lo lawm tawhbawk a ni.
