State Information Commissioner leh MJA Lawngtlai te inkawm
Lawngtlai, 28th January 2026 : Tukin zing dar 7:00 AM khan Pu Mangjangam Touthang, State Information Commissioner chuan Lawngtlai Press Club - ah Mizoram Journalist Association (MJA) Lawngtlai te kawmna nei.
Pu Mangjangam Touthang chuan MJA Lawngtlai te hnena lawmthu sawina a nei hmasa a. Sawrkarlaipui leh State sawrkarin mipuite tan hamthatna tamtak a duang thin puandarh kawngah MJA ten mawhphurhna sang tak an nei tiin, theihtawp chhuaha hnathawk turin a chah a. MJA - te chu palai hna thawktu pawimawh tak an nihna hriaa, an hna tha taka thawk turin a fuih a ni.
Right to Information chungchang sawiin Pu Mangjangam Touthang chuan sawrkar khalhngilna pawimawh leh tangkai tak a ni, a ti a. Mipuiten sawrkar hmalakna hrang hrang an hriat theihna leh an lungawilohna an thlen theihna a ni tiin, mipuite hnena puanzar kawngah thahnem ngaihpui turin MJA- te a chah a. Mizoramah hmasawnna hnathawh tam tak a kal mek a, sawrkar hmalakna kawng hrang hrangte hi RTI hmanga zawhfiah vek theih a ni tih hriat a tul hle a a ni, a ti. RTI Act hian mipuite dikna chanvo a humhalh tlat tih tarlangin, hmang tangkai turin mipuite a chah a, sawrkar department - te pawh a hun taka RTI hmanga zawhna chhang thin turin a chah nghal bawk.
Tukin zing hun hmannaah hian Mizoram Journalist Association (MJA) Lawngtlai, te an telkim tha hle a, zawhna leh chhanna hun hlawk tak hman nghal a ni.
