Thing Tam avanga sazu puang in khaw 138 vel harsatna siam mek
Vawiin ni 29.9.2025 khan, Agriculture & Farmers’ Welfare Department Minister PC Vanlalruata chuan, a office-ah department hotute ko khawmin, tunhnai Raw Thing Tam avanga sazu puang chungchang an sawi ho a. District hrang hranga hmalakna kal mek te thlirhona neiin, hmalak zel dan tur an ngaihtuah bawk.
Raw Thing Tam avanga sazu puang hian hriat theih chinah khaw 138 vel harsatna a thlen mek a, Agriculture Department chuan DAO kaltlangin, farmer te hnenah sazu tur bromadiolone, zinc phosphide te tam tham tak a sem tawh a, sem tur hmabak pawh eng emaw zat a la awm a. Sazu puang nasatna khuaah te chuan VC te nen tangkawpin department chuan “rodent mass poisoning” a kalpui mek bawk.
