CM DAWTSAWI TAWH LO TUR LEH THUDIK CHAUH SAWI TAWH TURA PHUTNA PUNKHAWM NEIH.
Vawin March ni 16, 2026 (Thawhtanni) chawhnu dar 1:30pm khan MNF huaihawtin Vanapa Hall kawtah 'Thudik sawi tur leh dawt hmanga Mizoram min hruai tawh lo turin Pu Lalduhoma CM phutin' an pungkhawm.
He punkhawm naah hian Pu Lalruatkima Treasurer chuan Mizoram politics-a la thleng ngailo, CM dawtsawi hrat lutuk vanga punkhawm a ngai chu vanduaithlak a tih thu a sawi. Kan leiba leh kan budget dinhmun thlirin a lungawi thlakloh hle a ni a ti.
Pu Ruatkima chuan, kan ramah sum lengvak a tlem a, dawt erawh a leng nasa hle. UNNATI chungchangah hian kan CM hi dawtsawiah a puh loh theihloh, a dawtsawi level a hniam hle. UNNATI leh SBI a hriatpawlh tlat mai hi a mak a. Lengpui ram hralh sum kawngbo nen a hriatpawlh em ni a ti bawk.
Election kan hmachhawn tawhah rorellai an che chhe ta zel a. AMC election chungchangah a chhan sawi tur awm si lovin inthlan an puang theilova, an candidate tur pawh an la puang theilo a, inthlan an cholo tih a langchiang hle. Aizawl khawpui sawn a, Aizawl chhungah hmasawnna engmah thlen tum tawh lovin hma an la a. MNF erawh chuan AMC hmang leh a theih ang angin Zofate Jerusalem Aizawl hi cheihnum deuh deuh kan la tum zel a ni, a ti bawk. ( A kimchang naktuk chanchinbu lamah aw)
