Tlabung-a Khawthlang Tuipui lian avangin chhungkaw 30 chuang an in thiarchhuak tawh
July 9,2026( Ningani) Tlabung atanga thudawn danin, Khawthlang Tuipui lian chuan zual lam a la pan zel a, nimin Julya ni 8,2026 (Nilaini) tlai lam aiin tukin khan tui chim chin hi a sang leh hle tawh a ni. Tui lian hian zual lam a pan zel avangin nimin chawhnu thleng khan chhungkaw 7 velin an chenna in an chhuahsan a ni.
Tukin lamah hian tui lian hian Tlabung bazar sa talhna hmun chim tawh in, Tlabung YMA Run hnuai pawh a chim tawh bawk a. Missionary Kai bulhnai a in pawh engemawzat a chim tawh bawk a ni. Tui lian in chenna in a chim leh chim mai thei dinhmuna ding chhungkaw 30 chuang chu an chenna in atang hian an in thiar chhuak tawh ni a thudawn a ni bawk.
Ruah sur nasa avang hian Tlabung leh a chhehvel-ah hian chhiatna a thleng nasa hle a. Tlabung, Chawnpui venga NHIDCL kawng laih avanga February 2026-a Thelret Tuikhur bul huam chhung min chu en zui reng a ni a. Dt 5. 7. 2026 khan lei hi tawlh lehin, tun dinhmunah chhungkaw 3 luahlai chu bungrua engmah chuh hman lohvin leiminin in a hnawl bak ah in rel lai pakhat a hnawl tel bawk.
Tun dinhmunah chhungkaw 5 te chu leimin in a chim pui mai theih vangin Khawtlangin an bungrua an thiar chhuah sak bawk a. Heng harsatna tawk mek te hi YMA hall, YMA Library leh hmun remchangah te an bungrua thiar luh sak an ni a. VC leh YMA ten khawtlang chhitana hrang hrang thleng mek chinfel dan tur an ruahman mek reng bawk a ni.
