Tourist Lodge mikhual la thlen miah lohna a awm.
Tourism Minister Lalnghinglova Hmar chuan Mizorama Tourist Lodge hrang hrang te an thawh chhuah aia, a thawkte hlawh atana senso a tam zawk avangin, sorkar chuan siam belh lovin, an neih sa chu midang kuta hlan a duh zawk tih a sawi.
Vawiin ni 27.2.2026-a Assembly thutkhawm zawhna leh chhanna hunah he thu hi sawiin, Tourism Minister chuan Tourist Lodge leh khualzin kaihhnawih chawlhna (restaurant) a thawktute hlawh zat atan sorkarin cheng nuai 44 vel bawr a sen laiin, Tourist Lodge leh khualzin kaihhnawih hmunhma atangin cheng nuai 25 vel a chauh a lakluh avangin, sorkar tan chuan sum lakluhna tur anga ngaih ni si in, phurrit a ni zawk, a ti a. Tourist Lodge thenkhat phei chu mikhual la thlen miah lohna te a awm avangin, sorkar chuan an neih sa zinga pawimawh zual te chei that a, din belh a tum rualin, siam belh aiin, an neih sa te chu midang kuta hlan a duh zawk tih a sawi.
