Tuirial Bawlhhlawh paihna hmuna thawktu te tan Free Health Checkup nei.
Vawiin khan National Health Mission, NHM leh Aizawl Municipal Corporation (AMC) tangkawp in Solid Waste Management System, Tuirial-a thawktu te tan One Day Health Check-up buatsaih a ni a, thawktu 100 chuang te hriselna endik an ni.
He One Day Health Checkup hi Lalremruata Kullai, Joint Municipal Commissioner in kaihhruaiin NUHM, NHM te nena Programme tha tak buatsaih a ni chu lawmawm a tih thu a sawi a. He programme hi Aizawl Day (25th February) lawmna puala buatsaih a nih thu sawiin Hnathawktu te chu he Health Checkup hi ngaipawimawh a, tangkai taka hmang turin a chah.
Dr. Lalawmpuia Chhangte, Jt. Director (FW) & SNO, NUHM chuan AMC te nena programme tha tak buatsaih a ni chu lawmawm a tih thu a sawi a. Kum engemaw zat chhung NUHM hmalakna in Solid Waste Management Centre, Tuirialah hian free Health Checkup neih a nih tawh thu a sawi a, thawktu te chu an hriselna ngaipawimawh turin a chah. Dr. Awmpuia chuan Health Department hian mipuite hriselna a ngaipawimawh em em a, Free Health Check Up hi hmun hrang hrangah pawh neih reng a nih thu a sawi bawk.
He health Check up ah hian Test chi hrang hrang 13 vel a thlawnin tihsak niin ABHA Health ID siamsak zel an ni a, inentirte hi a thlawn in Damdawi pek an ni. An mamawh ang Vaccine pawh pek nghal vek an ni bawk.
Specialist Doctor te, Sihphir UPHC, Zemabawk UPHC, Lawipui UPHC-a Doctor leh Staff te bakah MMU Aizawl East leh Tuirial UHWC a thawktu ten an hriselna hi an endik a ni.
