Uchuak taka ZPM in zoram mipui te an rapbet, sawrfu leh tur chuang awm tawh lo. MNF Party
Vawiin Ni 30.9.2025 khan MNF Party chuan thuchhuah siamin, ZPM sorkar in mipuite hnen atangin chiah chi tinreng an lakna chuan mipuite phur tiritin, zoram mipuiten an kalsan mek zel a. Chief minister in a thlang tlingtu mipuite laka a inhrosak kuk kukna chuan duhsak taka thlangtute rilru a tihliam chho zel a, an hliam thawidam aiin a punlun zawngin vauna leh tawngkam chhe tak tak leh thudikhlel an dawng zui zel bawk a. Heng hi Zoram mipuiten an ning takzet tawh a ni, an ti.
MNF chuan, kum hnih pawh la hmang tlinglo ZPM sorkar chu thlakna tur rilru mipuiten an ngaihtuah a, ei leh bara hnianghnarna leh mipui mamawh tinreng ngaipawimawha theihtawp chhuah thin, mite ber pawhin kan mamawh kawngpui tha siam a, tuaihnum thintu MNF sorkar thlakhlelh letna an pu chho tan mek a ni. Tun hnai mai ni 25, September 2025 a, Phunchawng Local Council By electionah mipui kutthlakna alo lang a. Seat 5 awmah MNF chuan hneh taka sorkarna la in, Seat 4 a la a ni, an ti bawk.
Heng MNF ticket-a thlantlinte hi MNF General Headquarters chuan Thawhtanni khan, Mizo Hnamrun-ah lawmpuina hun hmangin MNF President Zoramthanga chuan thilpek a hlan a. MNF President chuan,
he ram hi kan ta, kan pi leh puten, luchhim ban chhum huama an lo zah zau, 'thih leh ruam khatah, Dam leh tlang khatah' tia theih tawpa an lo humhim a nih angin, kan ram himna sadai thiat mektu ZPM sorkar kalphung hi hnawl a nih thuaina turin MNF chuan theihtawp a chhuah zel dawn a ni, a ti.
