UD&PA Minister-in Swachhata Hi Seva Campaign 2025 hawng
Nimin khan Urban Development & Poverty Alliviation Department Minister K. Sapdanga chuan SAD Conference Hall-ah, ‘Blending Community action & Spiritual Action’ tih thupui hmanga September ni 17 atanga October ni 2 thleng awh tur, Swachhata Hi Seva Campaign 2025 chu a hawng.
Campaign hawnnaah hian UD&PA Minister chuan thu sawiin, faina kawnga tan lak chu phurrit a la lova, thil hlimawm leh hun nuam tak anga hmang zawk turin kalkhawmte chu a sawm a, chu chu kumin Swachhata Hi Seva thupui pawhin a tum a ni tih sawiin, Mahatma Gandhi pawhin, “Faina chu zalenna ai pawha pawimawh zawk a ni’ a ti a. Minister chuan, Mizote pawhin faina chu a nun a kan nunpui a hun tawh tak zet tih a. Kalkhawmte chu midangte thinlungah 'faina chu mi tin tan a ni' tih chu pu darh theuh tur leh Swachhata Hi Seva 2025 chu hlawk taka hmang theuh turin duhsakna a hlan nghal bawk a ni.
Swachhata Hi Seva hi ni 15 chhung, September ni17 atanga October ni 2 thleng awh tur a ni a. Hemi hun chhung hian Cleanliness Target Unit (kan chheh vel hmun kilkhawrte) tifaia hun hman tur a ni a. Kumina Swachhata Hi Seva thupui, “Blending Community Action and Festival Spirit” hian, faina beihpui thlak chu a hlimawm zawng leh phurawm taka kalpui a tum a ni.
Swachhata Hi Seva Campaign 2025 hawnna hun hi UD&PA Secretary Lalmalsawma Pachuau in a kaihruai a, UD&PA Director Jacob Lalawmpuia'n Swachhata Hi Seva chungchang a sawifiah bawk a ni.
