UPC-NEI General Superintendent atan Rev. Zohmingthanzama thlan nawn a ni.
United Pentecostal Church of North East India inkhawmpui lian ber, General Conference vawi 58-na Inrinni-a LPS Arena-a rorel inkhawm neih chuan, nasa zawka ruihhlo do kawnga hmalak an rel a. Kum 2026-28 UPC-NEI General Superintendent atan Rev. Zohmingthanzama an thlang nawn bawk.
Ningani kalta zan aṭanga ṭan UPC-NEI General Conference hi zanin Pathianni zan hian a dawn a, inkhawmpui thupui atan 'Isua Krista lo kal lehna' Thupuan 22:12 hman a ni. Kohhranpui Rorel Inkawm-ah hian UPC North East India (NEI) huam chhunga rawngbawlna kawnga hmalak dan tur hrang hrang rel niin, chu'ng zingah chuan India hmarchhak pumhuapa ruihhlo do kawnga hmalak rawtna chu an pawm a, General Hruaitute kaihhruai Executive Board bawhzui turin an dah a. Mualpui Kohhran Biak-in ah UPC-NEI General hruaitute thlanna neih niin, kum 2026-28 chhunga General Superintendent atan General Suptd. nilai Rev. Zohmingthanzama thlan nawn a ni a, General Secretary Rev. Lalmalsawma Sailo leh General Treasurer Rev. R. Laichhingpuia te pawh an chanvo ngaiah thlan nawn leh an ni bawk
Inkhawmpui report bu-in a tarlan dan chuan, UPC-NEI hnuaiah hian District 12 leh Mission Field 11 awmin, kohhran member nuai 123199 an awm mek a ni.
