Vawiin-a MZU Convocation Vice President-in a hmanpui dawn.
Vawiin March ni 7.3.2026 (Inrinni) hian Mizoram University (MZU) chuan Convocation vawi 20-na an hmang dawn a. Vice President Pu C.P. Radhakrishnan chuan a rawn hmanpui dawn a. Vice President hian nimin chawhnu khan Mizoram a lo thleng tawh a. Tun hi Vice President a nih hnua Mizoram a lo tlawh hmasak ber a ni.
MZU Convocation hi vawiin chawhma dar 11:00-ah MZU Multipurpose Hall-ah hman a ni dawn a, Youtube Live Stream, youtube.com/mizoramuniversity -ah chahma dar 10:30 atangin Live a pek chhuah a ni dawn a ni.
Nizan khan Mizoram Sorkar chuan Vice President pual hian Lok Bhavan-ah Cultural Programme leh zanriah a buatsaih a. Vawiin hian Mizoram University Convocation vawi 20-na hi Khuallian niin a hmanpui ang a. Hemi hnu hian Tripura University Convocation vawi 14-na hmanpui turin Mizoram a chhuahsan leh ang.
MZU Convocation-ah hian Larsap General Vijay Kumar Shing leh Chief Minister Lalduhawma chu khual zahawm an ni dawn a ni.
