Vice Presideng lokal tur avanga AMC, Aizawl SP leh Mamit DC thuchhuah PAWIMAWH.
Aizawl Municipal Corporation (AMC) chuan Inrinni lo awm tur-a Vice President of India C.P. Radhakrishnan-a'n Mizoram University a tlawh dawn avangin, Lok Bhavan hmar lam kawngkapui atanga Dak inpui inkar-ah te, kawng sira chawhmeh zuar thin te chawhma dar 11 hma lamah thut phal a nih loh thu an sawi a. AMC chuan, Hemi ni hian Lok Bhavan atanga Mizoram University inkara kawngpui sirah thil zawrh lai leh mimal bungrua dah hnawk Io turin hriattirna a chhuah a, a paltlang Local Council te chu mahni veng chhung theuh lo en tel turin an chah bawk a ni.
Aizawl SP pawh-in Vice President-in Lengpui tumhmun a lo thlen ni tur Zirtawpni zing dar 9:00 atanga tlai dar 5.30 inkar chhung hian Lengpui tumhmun leh Lok Bhavan inkar kawng veng hrang hrangah lirthei, bungrua leh thil dang dah a khap a. Inrinni-ah Lok Bhavan leh Mizoram University leh Lengpui tumhmun inkarah zing dar 6 atanga tlai dar 2 inkarah lirthei, bungrua leh thildang engmah dah a khap bawk a. He lai kawngpui dunga lirthei leh bungrua dahte pawhin, zana lo dahsawn lawk vek turin a hriattir bawk a. Vice President chet vel chhung bik hian darkar chanve chhung vel kawngpui dan chah a ni dawn a, lirtheia veivak ten harsatna an tawh loh nan lo inhmakhua lawk turin lirthei neitu leh khalhtute a hriattir bawk a ni.
He tih lai vek hian Mamit District Magistrate Carolyn L.B. Khiangte chuan Bharatiya Nagarik Suraksha Sanhita (BNSS), 2023 section 163 tlawhchhanin Vice President lo zin hun chhung, Ningani atanga Inrinni inkar chhung hian Mamit district khua Rawpuichhip, Tuahzawl, Hmunpui, West Serzawl, Dapchhuah, Dilzawl, Nghalchawm leh Lengte khuate chu lo hal a khap a. Hei hi Lengpui Airport leh a chhehvela thil duhawmlo thleng thei laka invenna leh venhimna tha taka kalpui a nih thu tarlang bawk a ni.
