Zirlai harsa chhawmdawlna dil theih a ni.
Vawiin Ni 19.2.2026 khan, Students' Aid Fund Management Committee (SAFMC) a vawikhat na atan MZP Pisa-ah an thukhawm.
Mizo Zirlai Pawl Students' Aid Fund chungchang ngaihtuahtu SAFMC meeting hi Dr. C. Lalremruata, President MZP & Chairperson SAFMC in a kaihruai.
Meeting-ah hian, SAF December ni 10, 2025 a Chief Minister Lalduhoma'n a tlangzarh hnu a dilna rawn lut leh Fund Raising neih dan tur ngaihtuah hoin an thukhawm a, dilna rawn lutte chu meeting chuan puih dan tur leh sum pek tur zat a ruahman nghal bawk niin MZP thuchhuah chuan a sawi.
Students' Aid Fund hi zirlai harsa chhawmdawl ngai a mamawh apiang tan dil theih niin, a thlawn tawpa pekchhuh(grant) leh a pung awmlo a puk(interest- free loan) turin ruahman a ni. Dilna hi MZP Pisapui, Treasury Square-ah Office hun chhungin dilna a thehluh theih reng a ni.
